Author: News Desk

ഇന്ത്യൻ പാരമ്പര്യത്തിൽ നിന്ന് പ്രചോദനം ഉൾക്കൊണ്ടുള്ള ലിമിറ്റഡ് എഡിഷൻ സാൻഡലുകളുടെ ശേഖരം ഇന്ത്യയിൽ തന്നെ നിർമിച്ച് വിപണിയിലെത്തിക്കാൻ ഇറ്റാലിയൻ ലക്ഷ്വറി ബ്രാൻഡായ പ്രാഡ (Prada). ഓരോ ജോഡിയും ഏകദേശം 800 യൂറോ (930 ഡോളർ) വിലയിലാണ് വിപണിയിലെത്തുക. നേരത്തേ വിവാദമായ സാംസ്‌കാരിക അപഹരണത്തെക്കുറിച്ചുള്ള വിമർശനം ഇപ്പോൾ ഇന്ത്യൻ കരകൗശല വിദഗ്ധരുടെ സഹകരണത്തിലേക്ക് മാറുകയാണെന്ന് പ്രാഡയുടെ മുതിർന്ന എക്‌സിക്യൂട്ടീവ് ലോറൻസോ ബെർട്ടെല്ലി പറഞ്ഞു. മഹാരാഷ്ട്രയും കർണാടകയും ഉൾപ്പെടുന്ന പ്രദേശങ്ങളിൽ സംസ്ഥാന പിന്തുണയോടെ 2,000 ജോഡി സാൻഡലുകളാണ് പ്രാഡ നിർമിക്കാൻ പദ്ധതിയിടുന്നത്. ഇന്ത്യൻ കരകൗശല പാരമ്പര്യവും ഇറ്റാലിയൻ സാങ്കേതികവിദ്യയും ഒത്തുചേർത്ത് പുതിയ ശേഖരമാണ് ലക്ഷ്യമെന്നും അവർ വ്യക്തമാക്കി. പ്രാഡയുടെ പുതിയ ശേഖരം 2026 ഫെബ്രുവരി മുതൽ ലോകമെമ്പാടുമുള്ള 40 പ്രാഡ സ്റ്റോറുകളിൽ ലഭ്യമാകും. ആറുമാസങ്ങൾക്ക് മുമ്പ് മിലാനിൽ നടന്ന ഫാഷൻ ഷോയിൽ ഇന്ത്യൻ ‘കോലാപുരി ചപ്പൽ’ മാതൃകയിലുള്ള സാൻഡലുകൾ അവതരിപ്പിച്ചതിനെ തുടർന്ന് പ്രാഡ കടുത്ത വിമർശനങ്ങൾ നേരിട്ടിരുന്നു. തുടർന്ന് ഡിസൈൻ ഇന്ത്യയിലെ പരമ്പരാഗത ശൈലിയിൽ…

കലാരി ക്യാപിറ്റലിൽ (Kalaari Capital) CXXO ഇനിഷ്യേറ്റീവ് നയിച്ച പ്രീ-സീഡ് ഫണ്ടിംഗ് റൗണ്ടിൽ10 കോടി രൂപ നിക്ഷേപം സ്വന്തമാക്കി മലയാളി വനിതാ സംരംഭകർ. കോട്ടയം സ്വദേശികളായ ഡോ. നീതു മറിയം ജോയ്, നിഖിത ശങ്കർ എന്നിവർ നയിക്കുന്ന വോയ്സ് എഐ സ്റ്റാർട്ടപ്പ് സൂപ്പർബ്രൈൻ (SuperBryn) ആണ് പ്രീ-സീഡ് റൗണ്ടിലൂടെ 1.2 മില്യൺ ഡോളർ (ഏകദേശം 10.80 കോടി രൂപ) മൂലധന നിക്ഷേപം സ്വന്തമാക്കിയിരിക്കുന്നത്. നടൻ നിവിൻ പോളി, റികാന്ത് പിറ്റി (സഹസ്ഥാപകൻ, ഈസ് മൈ ട്രിപ്പ്), അർജുൻ പിള്ള (സ്ഥാപകൻ, ഡോക്കറ്റ് AI), ശരത് കേശവ നാരായണൻ (സ്ഥാപകൻ, സനാസ് AI), ഹരീഷ് മണിയൻ (ഗ്രൂപ്പ് സിഇഒ, ബിഎംഎച്ച്) എന്നിവരുൾപ്പെടെയുള്ള ഏഞ്ചൽ നിക്ഷേപകരുടെ പങ്കാളിത്തവും ഈ റൗണ്ടിൽ ഉണ്ടായിരുന്നു. എഐ അധിഷ്ഠിതമായി പ്രവർത്തിക്കുന്നതും എന്റർപ്രൈസ് വോയ്സ് എഐ ഏജന്റുകളെ കൂടുതൽ സ്മാർട്ട് ആക്കുന്നതുമായ ടെക് പ്ലാറ്റ്ഫോമാണ് സൂപ്പർബ്രൈൻ. ലളിതമായി പറഞ്ഞാൽ, ഫോൺ/ആപ്പുകളിൽ ശബ്ദം ഉപയോഗിക്കുന്ന എഐ അസിസ്റ്റന്റുകൾ യഥാർത്ഥ ജീവിതത്തിൽ കൃത്യമായി…

യുഎസ് പ്രസിഡന്റ് ഡൊണാൾഡ് ട്രംപിനെ ഫോണിൽ‌ വിളിച്ച് പ്രധാനമന്ത്രി നരേന്ദ്ര മോഡി. ഇന്ത്യ–യുഎസ് വ്യാപാര കരാർ സംബന്ധിച്ച ചർച്ചകൾക്കിടെയാണ് മോഡി ട്രംപിനെ വിളിച്ചിരിക്കുന്നത്. ഫോൺ സംഭാഷണത്തിനു പിന്നാലെ പ്രധാനമന്ത്രി തന്നെയാണ് ഇക്കാര്യം സമൂഹമാധ്യമങ്ങളിലൂടെ പങ്കുവെച്ചത്. വ്യാപാരം, സാങ്കേതികവിദ്യ, ഊർജം, പ്രതിരോധം തുടങ്ങിയ പ്രധാന മേഖലകളിലെ സഹകരണം സംബന്ധിച്ച് ഇരുനേതാക്കളും ചർച്ച ചെയ്‌തതായാണ് റിപ്പോർട്ട്. പ്രസിഡന്റ് ട്രംപുമായി ഊഷ്മളമായ ഫോൺ സംഭാഷണം നടത്തി. ഇരുരാജ്യങ്ങളും തമ്മിലുള്ള ബന്ധങ്ങളിലെ പുരോഗതി അവലോകനം ചെയ്തതിനൊപ്പം പ്രാദേശികവും അന്തർദേശീയവുമായ സംഭവവികാസങ്ങളും ചർച്ചചെയ്തു. ആഗോളസമാധാനം, സുസ്ഥിരത, സമൃദ്ധി എന്നിവയ്ക്കായി ഇരുരാജ്യങ്ങളും തുടർന്നും ഒരുമിച്ചു പ്രവർത്തിക്കും – പ്രധാനമന്ത്രി നരേന്ദ്ര മോഡി എക്സ് പ്ലാറ്റ്ഫോമിൽ കുറിച്ചു. കഴിഞ്ഞയാഴ്ച റഷ്യൻ പ്രസിഡന്റ് വ്‌ളാഡിമിർ പുടിന്റെ ഇന്ത്യാ സന്ദർശനത്തിന് ശേഷം ട്രംപുമായുള്ള പ്രധാനമന്ത്രിയുടെ ആദ്യ ഫോൺ സംഭാഷണമാണിത്. ഒക്ടോബർ 22ന് ദീപാവലി ദിനത്തിൽ മോഡിക്ക് ആശംസകൾ നേർന്നതിന് ശേഷമുള്ള ഇരുവരുടേയും ആദ്യ സംഭാഷണം കൂടിയാണിത്. ഊർജ്ജ, ഉഭയകക്ഷി പ്രതിരോധ ബന്ധങ്ങളിലെ സഹകരണത്തെക്കുറിച്ചും, പ്രത്യേകിച്ച്…

ഫുട്ബോൾ ആരാധകരുടെ ആവേശക്കാത്തിരിപ്പിന് വിരാമമിട്ട് അർജന്റീന ഇതിഹാസ താരം ലയണൽ മെസ്സിയുടെ ഇന്ത്യാ സന്ദർശന ഷെഡ്യൂൾ പുറത്തു വന്നു. നാളെയും 14, 15 തീയതികളിലുമായി മെസി രാജ്യത്ത് വിവിധ പരിപാടികളിൽ പങ്കെടുക്കും. നാളെ പുലർച്ചെ 1.30ന് കൊൽക്കത്തയിലാണ് താരം വിമാനമിറങ്ങുക. കൊൽക്കത്തയ്ക്കു പുറമേ മുംബൈ, ഡൽഹി, ഹൈദരാബാദ് എന്നിവിടങ്ങളിലാണ് മെസ്സിയുടെ പരിപാടികൾ തീരുമാനിച്ചിരിക്കുന്നത്. പ്രധാനമന്ത്രി നരേന്ദ്ര മോഡിയുമായി താരം കൂടിക്കാഴ്ച നടത്തുമെന്ന് റിപ്പോർട്ട് ഉണ്ട്. സിനിമ, കായിക മേഖലകളിലെ പ്രമുഖരും മെസ്സിക്കൊപ്പം വിവിധ പരിപാടികളിൽ പങ്കെടുക്കും. മെസ്സിക്കൊപ്പം യുറുഗ്വെ താരം സുവാരസ്, അർജന്റീന ടീമിലെ സഹതാരം റോഡ്രിഗോ.ഡി.പോൾ എന്നിവരും ഇന്ത്യയിലെത്തുന്നുണ്ട്. ഗോട്ട് ടൂർ എന്നു പേരിട്ടിരിക്കുന്ന പരാപാടിക്കുള്ള ടിക്കറ്റ് നിരക്കുകൾ പുറത്തു വന്നു. മുംബൈ ഒഴികെയുള്ള നഗരങ്ങളിലെ ടിക്കറ്റ് വില 4,500 രൂപ മുതലാണ് തുടങ്ങുന്നത്. മുംബൈയിൽ 8,250 രൂപ മുതലാണ് ടിക്കറ്റ് നിരക്ക്. ‘ഗോട്ട് ടൂർ’ പൂർണ വിവരങ്ങൾ: ഡിസംബർ 13 കൊൽക്കത്ത പുലർച്ചെ 1.30നു ഇന്ത്യയിൽ വിമാനമിറങ്ങും. 9.30…

19.5 ടൺ ഭാരമുള്ള പുതിയ ഹെവി-ഡ്യൂട്ടി ബസ്സായ ബിബി1924 (BB1924) പുറത്തിറക്കി ഭാരത് ബെൻസ് (BharatBenz). ഇന്ത്യയിലെ ഇന്റർസിറ്റി മൊബിലിറ്റി മേഖലയിൽ സാന്നിധ്യം വിപുലീകരിക്കുകയെന്ന ലക്ഷ്യത്തോടെയാണ് വാഹനം എത്തിയിരിക്കുന്നത്. ഡൈംലർ ഇന്ത്യ കൊമേഴ്‌സ്യൽ വെഹിക്കിൾസ് (DICV) വികസിപ്പിച്ചെടുത്ത മോഡൽ, യാത്രാ ശേഷി, മെച്ചപ്പെട്ട കാര്യക്ഷമത, സുരക്ഷ എന്നിവ ആഗ്രഹിക്കുന്ന ഓപ്പറേറ്റർമാരെ ലക്ഷ്യം വെച്ചുള്ളതാണ്. കമ്പനിയുടെ കണക്കനുസരിച്ച്, നിലവിൽ 51 ബില്യൺ യുഎസ് ഡോളറിലധികം മൂല്യമുള്ള ഇന്ത്യയിലെ ബസ് വ്യവസായം 2030 ആകുമ്പോഴേക്കും പ്രതിവർഷം 5%-ത്തിലധികം വളർച്ച കൈവരിക്കും. ഈ സാഹചര്യത്തിൽ, വേഗതയേറിയതും സുരക്ഷിതവും കൂടുതൽ സുഖകരവുമായ ഇന്റർസിറ്റി യാത്രയ്ക്കുള്ള വർധിച്ചുവരുന്ന ആവശ്യത്തിന് ഫ്ലീറ്റ് ഓപ്പറേറ്റർമാരെ സഹായിക്കുന്നതിനാണ് ബിബി1924 രൂപകൽപന ചെയ്തിരിക്കുന്നത്. 19,500 കിലോഗ്രാം GVW റേറ്റിംഗാണ് ബസ്സിന്റേത്. ഇത് ഓപ്പറേറ്റർമാർക്ക് 51+1+1 സീറ്റുകൾ വരെ കോൺഫിഗർ ചെയ്യാൻ സഹായിക്കും. ഇതിനുപുറമേ കൂടുതൽ ലഗേജ് ഉൾക്കൊള്ളാനും ഈ റേറ്റിംഗം സഹായകരമാകും. OM926 6-സിലിണ്ടർ BS6 OBD-II ഡീസൽ എഞ്ചിൻ നൽകുന്ന ചേസിസ് 241bhpയും…

അടുത്ത ആറ് വർഷത്തിനുള്ളിൽ അദാനി ഗ്രൂപ്പ് ഇന്ത്യയിൽ 12 ട്രില്യൺ രൂപ വരെ നിക്ഷേപിക്കാൻ ഒരുങ്ങുന്നതായി ചെയർമാൻ ഗൗതം അദാനി. അടിസ്ഥാന സൗകര്യങ്ങൾ, ഖനനം, പുനരുപയോഗ ഊർജം, തുറമുഖങ്ങൾ തുടങ്ങിയ മേഖലകളിലാണ് വൻ നിക്ഷേപം നടത്തുകയെന്ന് അദ്ദേഹം വ്യക്തമാക്കി. ഇന്ത്യയിൽ വലിയ നിക്ഷേപ സാധ്യതകളാണ് അദാനി ഗ്രൂപ്പ് കാണുന്നത്. അടുത്ത ആറ് വർഷത്തിനുള്ളിൽ ഇന്ത്യയിൽ ₹10 മുതൽ 12 ട്രില്യൺ വരെ നിക്ഷേപിക്കും. സ്വാശ്രയത്വം നേടുന്നതിനുള്ള പ്രവർത്തനങ്ങൾ തുടരുകയാണ്. പ്രധാനമന്ത്രി നരേന്ദ്ര മോഡി ഇതിനായി ആഹ്വാനം ചെയ്തിട്ടുണ്ട്. എല്ലാ വ്യവസായികളും എല്ലാ ഗ്രൂപ്പുകളും അതിനായി പ്രവർത്തിക്കുന്നു. അടിസ്ഥാന സൗകര്യങ്ങൾ, സാങ്കേതികവിദ്യ, ഊർജ പരിവർത്തനം, തുറമുഖങ്ങൾ തുടങ്ങിയ മേഖലകളിലാണ് നിർദിഷ്ട നിക്ഷേപം നടക്കുകയെന്നും അദാനി പിടിഐയോട് പറഞ്ഞു. ലോകത്തിലെ ഏറ്റവും വേഗത്തിൽ വളരുന്ന പുനരുപയോഗ ഊർജ കമ്പനികളിൽ ഒന്നായി മാറുന്നതിനാണ് അദാനി ഗ്രൂപ്പ് നിക്ഷേപം ലക്ഷ്യം വെയ്ക്കുന്നത്. അടുത്ത ദശകത്തേക്കുള്ള ഇന്ത്യയുടെ അഭിലാഷങ്ങളുമായി പൊരുത്തപ്പെടുന്ന വലിയ തോതിലുള്ള വിപുലീകരണത്തിന് ഗ്രൂപ്പ് തയ്യാറെടുക്കുകയാണ്. 520…

യാത്രക്കാരുടെ എണ്ണത്തിൽ അമ്പരിപ്പിച്ച് പുതി ബെംഗളൂരു-എറണാകുളം വന്ദേഭാരത് എക്‌സ്പ്രസ്. നവംബർ 11ന് ആരംഭിച്ച ട്രെയിൻ സർവീസ് തുടങ്ങി ഒരു മാസം തികയുമ്പോഴേക്കും നൂറ് ശതമാനം ബുക്കിംഗുകൾ പൂർത്തിയായതായും 55000ത്തിലധികം ആളുകൾ യാത്ര ചെയ്തതായും റെയിൽവേ വ്യക്തമാക്കുന്നു. കേരളം, തമിഴ്‌നാട്, കർണാടകം തുടങ്ങിയ ദക്ഷിണേന്ത്യൻ സംസ്ഥാനങ്ങളെ തമ്മിൽ ബന്ധിപ്പിക്കുന്ന ആദ്യ ഹൈസ്പീഡ് പ്രീമിയം ട്രെയിനാണ് ബെംഗളൂരു-എറണാകുളം വന്ദേഭാരത് എക്‌സ്പ്രസ്. നവംബറിൽ ബെംഗളൂരു- എറണാകുളം ഭാഗത്തേക്ക് മാത്രം 11,477 യാത്രക്കാരാണ് യാത്ര ചെയ്തത്. ശരാശരി ബുക്കിംഗ് 127% ആണ്. ഡിസംബർ 10 വരെയുള്ള കണക്ക് പ്രകാരം 16,129 യാത്രക്കാരാണ് ബെംഗളൂരുവിലേക്ക് വന്ദേഭാരതിൽ സഞ്ചരിച്ചത്. നവംബറിൽ 12,786 പേർ എറണാകുളത്ത് നിന്ന് ബെംഗളൂരുവിലേക്ക് വന്ദേഭാരതിൽ യാത്ര ചെയ്തതപ്പോൾ ഡിസംബറിൽ ഇത് 14,742 ആയി ഉയർന്നു. ക്രിസ്മസ്, പുതുവത്സരം, ശബരിമല സീസൺ എന്നിവ ഒരുമിച്ച് വന്നതിനാൽ ട്രെയിൻ ടിക്കറ്റുകളുടെ ആവശ്യകത വലിയ രീതിയിൽ വർധിച്ചിട്ടുണ്ട്. ഡിസംബർ മാസം അവസാനം വരെയുള്ള ട്രെയിൻ ടിക്കറ്റുകൾ ഇപ്പോൾ തന്നെ ഫുൾ…

പ്രീ-സീഡ് ഫണ്ടിംഗ് റൗണ്ടിൽ 2 കോടി രൂപ നിക്ഷേപം സ്വന്തമാക്കി മലയാളി സംരംഭകൻ. തൃശൂർ കുന്നംകുളം സ്വദേശിയായ യുവ സംരംഭകൻ അമൽ സ്വഹ്ബാൻ നയിക്കുന്ന സ്റ്റാർട്ടപ്പ് മിറേ കൺസ്യൂമർ പ്രൊഡക്റ്റസ് (Mirae Consumer Products Pvt. Ltd.) ആണ് പ്രീ-സീഡ് റൗണ്ടിലൂടെ രണ്ട് കോടി രൂപയുടെ മൂലധന നിക്ഷേപം സ്വന്തമാക്കിയിരിക്കുന്നത്. സ്റ്റാർട്ടപ്പിന്റെ D2C പെർഫ്യൂം ബ്രാൻഡായ ക്ലൈൻ (Klyne) ലോഞ്ച് ചെയ്യാനിരിക്കെയാണ് മലയാളി സംരംഭകരിൽ നിന്നുൾപ്പെടെ നിക്ഷേപം ലഭിച്ചിരിക്കുന്നത്. 2026 ജനുവരി മധ്യത്തോടെ ക്ലൈൻ വിപണിയിലെത്തുമെന്ന് കമ്പനി സ്ഥാപകനും സിഇഓയുമായ അമൽ സ്വഹ്ബാൻ അറിയിച്ചു. മാസ് പ്രീമിയം സെഗ്മെന്റ് ലക്ഷ്യമിടുന്ന ബ്രാൻഡ്, ഉയർന്ന ഗുണമേന്മയുള്ള പെർഫ്യൂമുകൾ ഉപഭോക്താക്കൾക്ക് മിതമായ വിലയിൽ എത്തിക്കാനാണ് ശ്രമിക്കുന്നത്. കേരളത്തിൽ നിന്ന് ഗ്ലോബൽ പെർഫ്യൂം ബ്രാൻഡ് വളർത്തിയെടുക്കുക എന്നതാണ് ലക്ഷ്യമെന്നും അദ്ദേഹം വ്യക്തമാക്കി. കണ്ണൂർ ഗവർൺമെന്റ് എഞ്ചിനീയറിംഗ് കോളേജിൽ നിന്ന് ബിരുദവും ഐഐഎം ഇൻഡോറിൽ നിന്ന് എംബിഎയും പൂഠത്തിയാക്കിയ അമൽ നിരവധി കമ്പനികളിൽ ജോലിചെയ്ത അനുഭവസമ്പത്തുമായാണ് സംരംഭക…

ബിസിസിഐ വാർഷിക കരാറിൽ സൂപ്പർ താരങ്ങളായ വിരാട് കോഹ്‌ലിയുടേയും രോഹിത് ശർമയുടേയും ശമ്പളം കുറയാൻ സാധ്യത. ഡിസംബർ 22ന് നടക്കുന്ന ബിസിസിഐ എപെക്സ് കൗൺസിലിന്റെ വാർഷിക പൊതുയോഗം (AGM) ഇക്കാര്യങ്ങൾ അടക്കം ചർച്ച ചെയ്യാൻ സാധ്യതയുണ്ടെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്യുന്നു. ടെസ്റ്റിൽ നിന്നും ടി20യിൽ നിന്നും വിരമിച്ച ഇരുതാരങ്ങളും ഇപ്പോൾ ഏകദിനത്തിൽ മാത്രമാണ് ശ്രദ്ധ കേന്ദ്രീകരിക്കുന്നത്. കഴിഞ്ഞ സീസണിൽ (2024–25 കരാറിൽ) ജസ്പ്രീത് ബുമ്ര, രവീന്ദ്ര ജഡേജ എന്നിവർക്കൊപ്പം ഇരുവരും A+ വിഭാഗത്തിലായിരുന്നു. ഇന്ത്യയുടെ T20 ലോകകപ്പ് വിജയത്തോടെ ഇരുവരും ഫോർമാറ്റിൽ നിന്ന് പിന്മാറിയിയെങ്കിലും ടെസ്റ്റ് സാന്നിധ്യം അടിസ്ഥാനപ്പെടുത്തി റോ-കോയെ കഴിഞ്ഞ വർഷവും A+ വിഭാഗത്തിൽ ഉൾപ്പെടുകയായിരുന്നു. ഇനി വരുന്ന കരാറിൽ ഇരുവരും A+ വിഭാഗത്തിൽ തുടരുമോ, അതോ ഗ്രേഡ് ഏ യിലേക്ക് മാറ്റപ്പെടുമോ എന്നതാണ് പ്രധാന ചർച്ച. നിലവിൽ A+ വിഭാഗത്തിന് ₹7 കോടി, A വിഭാഗത്തിന് ₹5 കോടി, B വിഭാഗത്തിന് ₹3 കോടി, C…

2030 ആകുമ്പോഴേക്കും ഇന്ത്യൻ പ്രവർത്തനങ്ങളിൽ 35 ബില്യൺ ഡോളറിലധികം നിക്ഷേപിക്കാൻ ആമസോൺ (Amazon). ബിസിനസ് വികസിപ്പിക്കുന്നതിനൊപ്പം എഐ അധിഷ്ഠിത ഡിജിറ്റൈസേഷൻ, കയറ്റുമതി വർദ്ധിപ്പിക്കൽ, തൊഴിലവസരങ്ങൾ സൃഷ്ടിക്കൽ എന്നിങ്ങനെ മൂന്ന് പ്രധാന മേഖലകൾ മുന്നോട്ട് കൊണ്ടുപോകുന്നതിലാണ് കമ്പനി ഇന്ത്യയിൽ ഊന്നൽ നൽകുക. ഇന്ത്യയുടെ എഐ ആവാസവ്യവസ്ഥ മെച്ചപ്പെടുത്തുന്നതിനായി മൈക്രോസോഫ്റ്റ് 17.5 ബില്യൺ ഡോളർ വാഗ്ദാനം ചെയ്തതിനും പിന്നാലെയാണ് ആമസോണിന്റെ വമ്പൻ പ്രഖ്യാപനം. ഡൽഹിയിൽ നടന്ന Amazon Smbhav ഉച്ചകോടിയുടെ ആറാം പതിപ്പിൽ ആമസോണിന്റെ ഇന്ത്യയിലെ സഞ്ചിത നിക്ഷേപം ഏകദേശം 40 ബില്യൺ ഡോളറിലെത്തിയതായി വെളിപ്പെടുത്തി. കീസ്റ്റോൺ സ്ട്രാറ്റജിയുടെ സാമ്പത്തിക ആഘാത റിപ്പോർട്ടിലാണ് ഇക്കാര്യം ചൂണ്ടിക്കാണിച്ചിരിക്കുന്നത്. ജീവനക്കാരുടെ വേതനവും അടിസ്ഥാന സൗകര്യ വികസനവും ഉൾപ്പെടുന്ന പുതിയ നിക്ഷേപങ്ങൾ, ആമസോണിനെ രാജ്യത്തെ ഏറ്റവും വലിയ വിദേശ നിക്ഷേപകരായി സ്ഥാനപ്പെടുത്തുന്നു. ആമസോൺ ഇന്ത്യയിലുടനീളം നിരലധി ഫിസിക്കൽ-ഡിജിറ്റൽ അടിസ്ഥാന സൗകര്യങ്ങളാണ് നിർമിച്ചിട്ടുള്ളത. ഫുൾഫിൽമെന്റ് സെന്റർ, ഡാറ്റാ സെന്ററുകൾ, ഗതാഗത ശൃംഖലകൾ, ഡിജിറ്റൽ പേയ്‌മെന്റ് സംവിധാനങ്ങൾ, സാങ്കേതിക വികസന പ്ലാറ്റ്‌ഫോമുകൾ…